Familias do cole de Tirán, deixamos info sobre as actividades extraescolares, por se queredes ver un chisco máis en que consisten. Adxuntamos tamén o papel das actividades e da cota de socio/a por se o queredes descargar.
Comezamos un novo curso e, coma sempre, a ANPA Madreboa está a xestionar actividades e eventos que enriquecen a vida dos e das peques do cole.
Asóciate, é moi importante.
Club de Lectura Manga:
Creatividade, Socialización, Promoción da lectura. Fomenta o interese pola
cultura xaponesa.
Aquí poderás intercambiar opinións, descubrir novos títulos, participar
en debates e actividades temáticas e atopar amig@s con intereses semellantes.
Recuncho Científico:
A finalidade desta actividade é acercar os nenos/as á ciencia; mediante experimentos
e traballo de ensaio e erro. Promovendo a investigación e as curiosidades da ciencia.
Balonmán:
O Balonmán é un dos deportes máis interesantes e efectivos para o
benestar físico e a saúde.O adestramento deste deporte deriva na mellora
cardiovascular, fortalecer os músculos e aumentar a flexibilidade.
Linguaxe de signos.
A Linguaxe de signos permite unha nova forma de comunicarse de forma eficaz
mentres aprenden a perfeccionar os sons orais.
É fundamental para mellorar a inclusión das persoas xordas na sociedade.
Baile galego
Ademais da súa importancia cultural, o baile galego tamén ofrece beneficios
físicos. Os movementos rítmicos e coordinados axudan a desenvolver a
coordinación motora dos nenos, mellorando o equilibrio, axilidades e control
corporal.
Tricking
A práctica do Tricking implica coordinación de diferentes partes do corpo en
movementos complexos, o que pode mellorar a coordinación e o equilibrio.
Dominarás novos movementos e acrobacias que aumentarán a túa autoestima e
confianza.
Canto e Pandeireta
Desenvolverase o ritmo e a musicalidade a través das cancións. Os nenos e
nenas mellorarán a súa fala e o significado das palabras, expresarán emocións nas
súas letras, desenvolverán habilidades auditivas e musicais...
Ecoarte
Desenvolverán diferentes técnicas de arte: música, pintura debuxo, cerámica entre
outras manualidades e manualidades ecolóxicas. Utilizaremos material reciclado para
promover o respecto e a concienciación da natureza e o medio ambiente.
Fútbol
O fútbol ensina a adquirir habilidades físicas e axuda a ter un correcto
desenvolvemento e a potenciar as capacidades en todos os aspectos da vida.
Animación á lectura:
Ler é unha actividade que axuda a madurar neurlóxicamente e desenvolve habilidades
lingüísticas, sociais e emocionais.
Loita (Jiu jit su)
O Jiu Jit Su ofrece un adestramento cardiovascular divertido e exixente para os nenos
e nenas, que lles encantará practicalo. Básease na protección e no respecto, valores
moi importantes.
Cociña
A cociña axuda ao desenvolvemento de habilidades importantes como o pensamento lóxico,
a coordinación e a creatividade. Tamén descubrirán novos ingredientes, sabores e
culturas culinarias.
Xogos Dinámicos:
Os nenos divertiranse cos diferentes xogos lóxicos, dinámicos, contacontos (feitos
polos nenos/as do vocabulario que eles escollan. A finalidade desta actividade é
traballar a imaxinación, a creatividade e o adestramento de procesos mentais, sempre a
través dos xogos.
Patinaxe
A práctica da patinaxe mellora a coordinación, equilibrio e a concentración.
Música
A música axuda a xestionar as emocións e brinda un medio perfecto de expresión de
calquera sentimento.
Gaita e percusión
Os nenos e nenas aprenderán a tocar instrumentos tradicionais galegos. Aprender a
tocar un instrumento axuda a potenciar o oído musical e a aprender sobre o ritmo e
a melodía.
Inglés Divertido (Fun English)
As nenas e nenos aprenderán inglés dunha maneira lúdica e participativa. Nesta actividade adentrarémonos nun mundo cheo de xogos, cancións e actividades interactivas e cooperativas, que nos permitirán mergullarnos no idioma dunha maneira divertida e motivadora.
Baile Moderno:
Con esta actividade preténdese fomentar unha primeira aproximación ao baile cun
ambiente divertido e creativo, onde os nenos e nenas realizarán un traballo progresivo,
sendo así capaces de coñecer o seu propio corpo e as súas posibilidades de movemento.
Xadrez
O xadrez favorece o desenvolvemento da capacidade intelectual, da memoria, ao ter que
reter as xogadas e movementos a curto prazo, elevando a capacidade de atención e
concentración e a disciplina.
Música e Movemento
A música e o movemento mellora a psicomotricidade grosa, a coordinación e o equilibrio.
Axuda aos nenos e nenas de forma creativa a desenvolver a confianza en si mesmos e
autoestima. Favorecen o desenvolvemento físico, social, emocional e cognitivo.
Taekwondo
Esta actividade axudará aos nenos e nenas a mellorar a súa coordinación, equilibrio,
flexibilidades e estado físico en xeral, ao mesmo tempo que lles ensina habilidades
de autodefensa. Promove a concentración e confianza, ademais de axudar a desenvolver
un forte sentido de disciplina e determinación.
Baloncesto
O Baloncesto axuda a aumentar a resistencia, a axilidade e a rapidez. Tamén unha maior
concentración e unha rapidez nos reflexos.
Manualidades
As manualidades potencian a creatividade, concentración e aumenta a psicomotricidade
fina e a paciencia. Os nenos e nenas poderán expresarse e mostrar o mundo tal e como
eles o ven.
FICHA DE INSCRICIÓN DAS ACTIVIDADES E A COTA DE SOCIO/A:
.jpg)